НЕРУИ БАРҚРО САРФАКОРОНА ИСТИФОДА БАРЕМ

   Санаи 16 декабр раиси Раёсати Бонки давлатии амонатгузории Ҷумҳурии  Тоҷикистон «Амонатбонк», намояндаи Ҳукумати Ҷумҳурии Тоҷикистон дар ноҳияи  Ҷалолиддини Балхӣ  вобаста ба омодагӣ ба ҷашни  30-солагии Истиқлоли давлатии Ҷумҳурии  Тоҷикистон Сироҷиддин Икромӣ бо фаъолони ноҳия  вохӯрӣ доир намуд. Сироҷиддин Икромӣ супоришҳои Асосгузори сулҳу ваҳдати миллӣ-Пешвои миллат, Президенти ҶумҳурииТоҷикистон муҳтарам Эмомалӣ Раҳмонро ҷиҳати вусъат бахшидани корҳои ободониву созандагӣ, дастгирии ятимон ва оилаҳои ниёзманд, пешгирии паҳншавии бемориҳои сироятӣ ва сарфакорона истифода бурдани неруи барқро ба самти фаъолони ноҳия расонид. Махсус қайд карда шуд, ки ҳар як сокини кишвар бояд, бо дарки  масъулияти шаҳрвандӣ неруи барқро оқилона ва сарфакорона истифода намояд. Таъкид карда шуд, ки аз  ҳисоби фаъолон гурӯҳҳои таблиѓотӣ таъсис дода шуда, дар байни сокинон доир ба ин масъалаи муҳим корҳои фаҳмондадиҳи ба роҳмонда  шавад. 

     Раиси ноҳия Убайдуллои Файзулло низ доир ба ин масъала суханронӣ намуда, сокинони ноҳияро  ба сарфакорона истифода бурдани неруи барқ ва саривақт супоридани маблаѓи истифодаи неруи барқ даъват намуд.

Абдухолиқ РОЗИқОВ

АЗМИ ШИНОНИДАНИ25 ҲАЗОР БЕХ НИҲОЛ

    Имсол  дар  ноҳияи Ҷалолиддини Балхӣ 25 ҳазор бех ниҳол шинонида мешавад. Дар ин бора  Мақсуд  Хушвахтзода, сардори шуъбаи ҳифзи муҳити зисти ноҳия хабар дод. 

Тибқи иттилои  Мақсуд  Хушвахтзода дар мавсими  имсолаи   ниҳолшинонӣ  ва  кабудизоркунӣ  дар   ҷамоатҳои    шаҳраку   деҳоти  ноҳия  17   ҳазор  бех  ниҳоли  сояафкан,4300  бех ниҳоли   ҳамешасабз   ва 3700   бех   ниҳоли  ороишӣ  шинонида мешавад,  ки  дар маҷмӯъ 25   ҳазор    бехро ташкил медиҳад. 

              Имрӯзҳо  дар ноҳия  маъракаи  ниҳолшинонӣ  бо маром  идома дошта, сокинон баҳри сарсабзу хуррам гардонидани маҳалли зисти худ  ташаббус нишон дода истодаанд. Аз ҷумла, сокини деҳаи Учқуни Ҷамоати  деҳоти Ҳалевард Пирумшоҳ Обидов  барои сарсабз  намудани деҳа  200  ниҳоли   ҳамешасабз  харидорӣ намуда, дар якҷоягӣ бо ҳамдеҳагонаш  дар шафати роҳи байни деҳа ниҳолонро шинониданд. 

        Ҳамчунин, сокини дигари деҳаи Учқуни Ҷамоати деҳоти Ҳалевард Сайраҳмон  Абдураҳмонов дар пайравӣ аз иқдомҳои ободкорӣ ва созандагии  Пешвои миллат муҳтарам Эмомалӣ Раҳмон аз ҳисоби пасандози худ ба маблаѓи 40 ҳазор сомонӣ   гирду атрофи оромгоҳи деҳаро бо хишти  сементӣ  деворнамуда, дар атрофи он ниҳолони сояафкан шинониданд.  

      Мувофиқи маълумоти шуъбаи  ҳифзи  муҳити зисти   ноҳия то 12 декабр дар ҷамоатҳои шаҳраку деҳоти ноҳия  2 ҳазору 500 бех ниҳол, аз ҷумла 700  бех  ниҳоли  сояафкан, 1 ҳазору 500  бех ниҳоли   ҳамешасабз   ва   300 бех   ниҳоли  ороишӣ  шинонида шудааст.

Абдухолиқ РОЗИҚОВ

ҶАМЪОВАРИИ ҲОСИЛИ

САБЗАВОТ БОМАРОМ ИДОМА ДОРАД

      Айни замон дар хоҷагиҳои деҳқонии ноҳияи Ҷалолиддини Балхӣ ҷамъоварии маҳсулоти  кишоварзӣ бо маром идома дорад. 

     Тибқи иттилои раёсати кишоварзии ноҳия аз аввали соли 2020то 1 декабри соли 2020  дар ноҳия ба миқдори 23 523 тонна ҳосили сабзавот  рӯёнида шудааст.  Аз ин миқдор6 580  тонна  сабзӣ, 787 тонна карам, 2875,9 тонна помидор ва 2464,2 тонна бодиринг мебошад, ки айни замон ҷамъоварии  ин сабзавотҳоидома дорад.  Нисбат  ба соли 2019истеҳсоли сабзӣ747 тонна, карам 45,7 тонна, помидор 396,7 тонна ва бодиринг 776,2 тонна зиёд мебошад.

      Кишоварзони ноҳия барои ҳосили  соли 2021  то санаи 1 декабр  дар масоҳати  1393,8 гектар гандум, 148,2 гектар ҷав, 331,8 гектар пиёзи барвақтӣ  кишт намуданд. Ҳамчунин тибқи дурнамо бояд дар ноҳиядар майдони 350 гектар картошка кишт карда шавад.  То санаи 1 декабри соли равон аз ҷониби картошкапарварони ноҳиядар масоҳати 19 гектаркартошка кишт карда шуда,  кор дар ин самт муташаккилона идома дорад.  

АбдусаидГУЛОВ, Суратгир 

А. ШЕРМАТОВ

ЯТИМОН ДАСТГИРӢ  МЕЁБАНД

  Мувофики млумоти сармутахассис-котиби Комиссияи ҳифзи ҳуқуқи кӯдак дар ноҳияи  Ҷалолиддини  Балхӣ  Барно Саидова  дар  ноҳия 26  нафар ятими кулл ба қайд гирифта шудааст.  Ба номи  ҳар  кадоми  онҳо  суратҳисоби бонкӣ  кушода шуда аз  ҷониби  мақомоти иҷроияи маҳаллии ҳокимияти давлатии ноҳия, парасторони муваққатӣ,  ташкилоту муассисаҳо ва шахсони саховатпеша пайваста  кумакпулӣ  вакумакҳои  моддӣ  расонида  мешавад. 

Аз ҷумла, чанде пеш Ташкилоти  ҷамъиятии «Ҳилоли Аҳмар» ба 33 нафар кӯдакони ятим, нимятим ва кӯдакони оилаҳои ниёзманди   ноҳия сару либоси зимистона тақдим намуд. Тавре ки намояндаи Ташкилоти ҷамъиятии «Ҳилоли Аҳмар» дар ноҳия Ҳусниддин Ризоев иброз дошт, бо ташаббуси  Ташкилоти мазкур ба номи 33 нафар кӯдакони ятим, нимятим ва кӯдакони оилаҳои ниёзманд кортибонкӣ  кушода шуда, аз моҳи июни соли 2020 инҷониб  ба суратҳисоби ҳар яки онҳо ҳар моҳ  ба миқдори  100доллари  амрикоӣ   кумакпулӣ   гузаронида  истодааст.-Ташкилоти  ҷамъиятии «Ҳилоли Аҳмар»   тасмим гирифтааст, ки  дар  давомияк  сол, яъне то моҳи июни соли 2021 ин иқдомашро идома диҳад, -гуфт Ҳ. Ризоев.

Зикр намудан бамаврид аст, ки  ба кӯдакони  ятимаз тарафи шахсони саховатпешаи ноҳия низ  мунтазамкумак  расонида мешавад. Аз ҷумла, чанде пеш аз ҷониби раиси хоҷагии  ба номи Сафар Ҷумаев ба ятимони кулл Фарҳод Исроилов ва хоҳару додари ӯ маводи хӯрока аз қабили орд, биринҷ, равѓан, картошка, пиёз ва дигар маҳсулоти хӯрокворӣ,  ҳамчунин   ба миқдори  250 кг ангиштсанг барои гарм нигоҳ доштани хонаашон ва кумакпулӣ барои харидани сару либоси зимистона тақдим карда шуд.  

АбдухолиқРозиқов

БАРГУЗОРИИ ҶАЛАСАҲОИ ШӮРОИ РУШДИ МАОРИФ ВА ШӮРОИ ҲИФЗИ ҲУҚУҚИ КУДАК

     Санаи 11  декабри соли 2020  дар маҷлисгоҳи  шуъбаи маорифи ноҳия ҷаласаи Шӯрои рушди маориф ва ҷаласаи Шӯрои ҳифзи ҳуқуқи кӯдаки назди мақомоти иҷроияи маҳаллии ҳокимияти давлатии ноҳияи Ҷалолиддини  Балхӣ  баргузоргардид. 

Ҳамватанони азиз !

    Тавре ба ҳамаи Шумо маълум аст, муддати чандин соли охир тавассути ба истифода додани иншооти нави соҳаи энергетика мушкилиҳои мардум оид ба таъмини қувваи барқ осон гардида истодааст.

    Дар давраҳои оғози истиқлолият солҳое буданд, ки сокинони Тоҷикистон дар як шабонарӯз ҳамагӣ ду соат барқ мегирифтанд, вале аз 14 январи соли 2017 мо маҳдудияти таъмини нерӯи барқро пурра бардоштем ва то имрӯз мардуми Тоҷикистон 24 соат бо нерӯи барқ таъмин мебошанд.

      Гармшавии иқлим ва қариб 50 фоиз кам будани ҳаҷми боришоти барф, ки дар таърихи Тоҷикистон бори аввал ба вуҷуд омад, боиси он гардид, ки имрӯзҳо об дар маҷрои дарёи Вахш 800 метри мукааб, яъне 50 фоиз кам аст.

      Ҳамин аст, ки имрӯзҳо дар обанбори Норак захираи об нисбат ба соли гузашта 17 метр кам шудааст.

     Дар кишвар 50 фоизи барқи истеҳсолшударо аҳолӣ истифода мебарад. Бо ҳамин мақсад Ҳукумати ҷумҳурӣ ба мардуми кишвар муроҷиат карда, хоҳиш менамояд, ки танҳо ба хотири захира кардани об дар обанбори Норак барои фасли тирамоҳу зимистони дарпешистода, маҳдудияти интиқоли барқро, ки аз ҷониби ШСХК «Барқи Тоҷик» ҷорӣ карда мешавад, дуруст дарк намоянд.

Ҳамватанони азиз !

    Тавре ба ҳамаи Шумо маълум аст, муддати чандин соли охир тавассути ба истифода додани иншооти нави соҳаи энергетика мушкилиҳои мардум оид ба таъмини қувваи барқ осон гардида истодааст.

    Дар давраҳои оғози истиқлолият солҳое буданд, ки сокинони Тоҷикистон дар як шабонарӯз ҳамагӣ ду соат барқ мегирифтанд, вале аз 14 январи соли 2017 мо маҳдудияти таъмини нерӯи барқро пурра бардоштем ва то имрӯз мардуми Тоҷикистон 24 соат бо нерӯи барқ таъмин мебошанд.

      Гармшавии иқлим ва қариб 50 фоиз кам будани ҳаҷми боришоти барф, ки дар таърихи Тоҷикистон бори аввал ба вуҷуд омад, боиси он гардид, ки имрӯзҳо об дар маҷрои дарёи Вахш 800 метри мукааб, яъне 50 фоиз кам аст.

      Ҳамин аст, ки имрӯзҳо дар обанбори Норак захираи об нисбат ба соли гузашта 17 метр кам шудааст.

     Дар кишвар 50 фоизи барқи истеҳсолшударо аҳолӣ истифода мебарад. Бо ҳамин мақсад Ҳукумати ҷумҳурӣ ба мардуми кишвар муроҷиат карда, хоҳиш менамояд, ки танҳо ба хотири захира кардани об дар обанбори Норак барои фасли тирамоҳу зимистони дарпешистода, маҳдудияти интиқоли барқро, ки аз ҷониби ШСХК «Барқи Тоҷик» ҷорӣ карда мешавад, дуруст дарк намоянд.

ҚАБУЛИ ШАҲРВАНДОН ДАР НОҲИЯИ ҶАЛОЛИДДИНИ БАЛХӣ БО ИШТИРОКИ РАИСИ ВИЛОЯТ ДОИР ГАРДИД.

           28 ноябри соли ҷорӣ дар толори мақомоти иҷроияи ҳокимияти давлатии ноҳияи Ҷалолиддини Балхӣ бо иштироки раиси вилояти Хатлон Қурбон Ҳакимзода қабули шаҳрвандон доир гардид. Дар қабул сокинон пешниҳодҳои хешро аз қабили расонидани кӯмак барои сохтмони ду муассисаи таълимӣ, сохтмони хати оби нушокӣ дар деҳаи роҳи Ленин, таъмири пул, насб намудани зеристгоҳ барои объектҳои ҷашнии Ширкати Ходингии “Исмоили Сомонӣ”, ҷудо намудани қитъаи замин барои сохтмони муассисаи таълимӣ барои сокинони деҳаи М.Горкий, насб намудани трансформатор ва симчубҳо дар деҳаи навтаъсиси муҳоҷирони дохилии Ҷамоати деҳоти Фрунзе, ҷудо намудани қитъаи замини наздиҳавлигӣ, ба фонди манзил гузаронидани замин аз ҳисоби чарогоҳ ва ниёз доштани 3 оила ба кӯмаки молиявӣ ба раиси вилоят расониданд. Раиси вилоят пешниҳодҳои шаҳрвандонро ба инобат гирифта, ба масъулин дастур дода шуд, ки пешниҳодҳои мардумро ҳалу фасл намоянд. Ҳамзамон худи ҳамин рӯз аз ҳисоби раиси вилояти Хатлон кӯмаки яквақтаина ба 3 оила маблағ ва маводи хурока аз қабили орд, пиёз, картошка, равғану биринҷ расонида шуд.

       Кистанд он наҳзатихои хоин?!
 Ҳоли дунёро бипурсидам ман аз фарзонае, Гуфт ё шамъ аст, ё ваҳм аст, ё афсонае. Кистанд онҳо, ки аз дунболи ин дунё шуданд? Гуфт: ё ки кӯранд, ё ки мастанд, ё ки худ девонае!       Мардуми асили тоҷик доимо аз пайи зиндагию луқмаи ҳалоли касбӣ ва кору вазифаи ҳаётиашон ҳастанд.  Аз ин рӯ, қариб тамоман вақти тамошои  телевизион ва ё хондани интернетро надоранд. Дирӯз дар бораи як  ватанфурӯши хоини миллат Махмадикболи Садриддин (хайфи номат), ки дар тоҷик гуфтани ӯ нафратамон меояд, чанд сухане шунида, бисёр дар қаҳр шудам. Ин хоини миллат  бахусус зери рохбарии Кабирии хоин аз ким кадом давлати хориҷӣ бо хоҷагони хориҷии маблағгузораш давлати азизи дилу ҷони моро санги маломат задааст. Баъди хондани суханони иғвоангезонаю бисёр нобахшиданиаш нафратамон ба ин хоинони аз дину оин садсолаҳо дур боло гирифту қалам ба даст гирифта, мақсадамонро гуфтанӣ шудем.     Навиштаамонро барои он “Кистанд онҳо” мондем, ки шумо хонандагони гиромӣ донед, ки чунин касон дар асл кӯру девонаанд. Девонаи мансаб, вазифа, пулу давлат ва фоҳишагиву гумроҳкунии мардуми нодон. Нодон ба он маънӣ гуфтам, ки касе ба гуфтаи ин нокасон бовар кунад дар ҳақиқат ҷоҳилу нодон ва хуруфотпарасти беақл аст.     Эй нокасони нони бегона хӯрдаи ватанфурӯши наҳзати хусусан Кабирии хоин оё шарм намедоред ва аз Худованди бузургу тавоно наметарсед, ки аз садҳо фарсах роҳи дур истода, ин миллати меҳнаткаши ба мақсад расидаро гумроҳ карданӣ мешаваед?! Магар намедонед, ки  тоҷики асили бузург имрӯз Истиқлолияти асили давлатӣ дорад. Ӯ имрӯз соҳиби ҳама бузургиҳо ва дороиҳост. Ӯ дигар мисли шумо кӯру масту девона нест, ки муҳтоҷи каси бегона бошад ва аз пайи дунё давону равон гардад. Тоҷик имрӯз нони ҳалоли меҳнатии обу дону замини худашро мехӯраду шукри ваҳдату Истиқлолияти давлатиашро мекунаду дар паҳлуи Пешвои муаззамаш, ки нозиру нигаҳбонаш аст, кору зиндагӣ мекунад. Аз ин рӯ мо ҳамчун як фарди одии ин миллат гуфтанием, ки албатта тиратон мисли кору пайкори пешинаатон хок хоҳад хӯрд ва ҳеҷ гоҳ ба мақсади нопоки дунёталабонаатон нахоҳед расд.     Эй миллати асили тоҷикам ҳеҷ гоҳ ба ин ватанфурӯшон аҳамият надиҳед ва фарзандону наздиконатонро насиҳати инсонона кунед, то ба гапҳои ин хоинон  гӯш надиҳанд. Бояд шумо дарк карда бошед, ки дар солҳои навадум кӣ азоб ва уқубати сангинро дид, албатта мову шумо мардумони коргару деҳқону зиёиёни асил. Ин хоинон дар ҳамон давра ҳам аз ҳисоби мову шумо зиндагии шоҳона карданду имрӯз ҳам дар хориҷа дар паси хоҷагонашон ба айшу ишрату  фисқу фосиқӣ машғуланду боз мехоҳанд, ки моро гумроҳ кунанд. Боварӣ дорем, ки халқи азизам дигар ба гапҳои авомфиребонаи онҳо дода намешаванд! Мову шумо бояд якҷоя шуда ба ин иғвоҳои миллатфурӯшон ҷавобҳои сангину оташин бидиҳем, то онҳо донанд, ки миллат дигар гумроҳшаванда нест, то ин  ватанфурӯшон аз  ҷорзаниҳояшон бимонанд.        Эй азизон мо бояд мисли ин бадгуҳарону бадгӯён сахтгӯй бошем, то онҳо дарк кунанд, ки мо имрӯз кистем.         Акнун огоҳ бошед, ки халқи бузурги тоҷик минбаъд  мисли  гуфтаи Ҳофизи бузургвор тамал хоҳад кард:  “Г уфтам бирав, ки гӯш ба ҳар хар намекунам.” Имрӯз мақсади халқи азизи мо танҳо ва танҳо тинҷиву амонӣ, осудагӣ, зиндагии шоиста, меҳнати ҳалол ва дӯстдории Ватану Пешвои муаззамаш асту бас. Зинда бод халқи асили тоҷик! Зинда бод Ваҳдату Истиқлолияти давлатии тоҷикон ва Пешвои муаззами миллатамон!